Toxkar(2)

Kok'ui lwkheq chviar zuo'ix!!  Zab'id-hQ kimngg ee

Chid-khoxng-chid ee huiky ciu bQeq khypQef.  Chviar

bQeq ze citpafn huiky ee lwkheq kvoafkirn cviuxky.

A'Id, larn tiQqaix lai'khix paitui aq.  KiphiQx u ti lie hiaf`bQo?

Tekliin, goar bQo-theh kiphiQx.  Zafkhie bQeq zhutmngg

ee sii, goar u khvoax`tiQh lie ciofng kiphiQx khngx ti tQhterng.

A'Id, goar bengbeeng khvoax lie ka kiphiQx khngx ti

lie ee sezofng texar-lai.  Lie kQq jiim cidpiexn khvoarmai.

U laq, u laq.  Goar zhQe`tiQh laq.  Cyn-sitlea laq. Tekliin.  

Goar sidzai si cviaa bQo-kietii.


Chviar mngg cit'ui siensvy kab siQfciar, lirn bQeq ioxngzhafng`bQe?

SiQfciar, chviar lie ho goar cidpQef kQfciab ("bielux") kab cidthQx gupaai.  

Gurn-thaethaix, mxsi-mxsi, goar si korng: goar ee thaethaix 

aix cidphQef zuie kab cidpvoaa zhvezhaix. TQsia!

A'Id, lie sidzai uxkaux lQsQf.  Taioaan-laang lorng korng "gurn bQr afnzvoar"

bQo laang korng "goar ee bQr afnzvoar".  Y thviaf u laq.

Tekliin, yn korng mxtiQh ee sofzai, larn tiQqaix kax yn.  Lie korng, si`bQo?

HQr laq.  Bykog-laang, chviar lie kirn ciah. ThQhngg-Kitviuu ciu bQeq kaux laq.


Tekliin, lie khvoax, hit'ee gyn'ar zheng ee svaf cyn-zhuobi.

Ti hitniar-svaf ee tefngbin siar svaji Engbuun: "I survived Taiwan".

Ti sva'ar-terng u cidee laang teq phahkiuu.  

Uxlaang teq bQexhoef.  Uxlaang teq bQe zhaux-tauxhu. 

Ma uxlaang teq suhhwn, ciaqtok kab po pin'nngg.  

Teq po pin'nngg hit'ee laang kQq phuix ang'aang ee huiq ti thokhaf.

Mxna afnny, ti sva'ar-terng iawkQq u ui cidee laang tuy 

thang'ar-khao phoahzuie`lQqkhix kQelo.

Tekliin, ti Taioaan khiaxkhie karm cviasit u hiahniq'khiofngpox? 

A'Id, hef si kofzar-kofzar ee taixcix.  Citmar, taixkef lorng 

kef ciog-u zuyzurn.  Lie kaki khvoax tiQh zay.

Na si afnny, goar tiQh Qextaxng ansym kviaa zhud`khix. 

Kviaa, larn laikhix zochiaf.