Mngxlo
Asking for Direction

Siensvy, chviar mng zofngthorng-huo ti tQfui?

SiQfciar, zofngthorng-huo ti Phok'aix-lo. Lie hiorngcieen (hiorngzeeng) tidtit-kviaa, 

khvoartiQh tQexid ee anglegtefng ee sii, hittiaau-lo ciuxsi Phok'aix-lo.  

Ti cviarchiuo-peeng hitkefng angzng'ar ee toaxlaau ciuxsi zofngthorng-huo laq.

Tekliin, lie si Taipag-laang. Lie tuix svialai-ciaf ee lo u cviasek`bQo?

Lie karm Qextaxng zhoa goar laikhix lym cidpQef angtee?

A'Id, afnny, larn tiQqaix zam`kQex cittiaau toaxlo, kQq

kviaa goxtiaau-haxng'ar liawau, kQhzaix kviaa cidtiaau-kQef ciaq Qexkaux.

Tekliin, lie khvoax, afnny larn lofngzorng tiQqaix kviaa joaxkuo ciaq Qexkaux hiaf?

A'Id, goar khvoax, larn tiQqaix kviaa jixzab-hwn ciaq Qexkaux.

Loxthaau sngx`khylaai sidzai si putcyar-hng.

Tekliin, citmar ykefng si lagtiarm-pvoax. Afnny, larn tiQqaix kviaa khahkirn`cide.

A'Id, goar khvoax, larn kiQx cidtaai keatheeng-chiaf laikhix. HQr`bQo?

HQr. Mxkuo, tiQqaix chviar lie ka suky pQrlo. Khiofngkviaf goar Qe pQx mxtiQh`khix.

A'Id, lie khvoax, cviarchiuo-peeng hitkefng pahhQex-kongsy ee 
teng'afkhaf u laang ti`teq bQe zheq.

Goar ma u khvoax`tiQh.
  

Hitkefng pahhQex-kongsy ee kehpiaq ciuxsi larn bQeq khix ee sofzai.

Larn tiQqaix ti ciaf lQqchiaf laq.

Suky, chviar lie ti hit'ee svaf-kag-thafng hiaf thengchiaf, gurn bQeq lQqchiaf.

HQr.  Chviar lirn sQeaji, banxban'ar lQqchiaf.