Lwsia

A'Kii, goar kQhzaix cidlefpaix tiQh bQeq zhutmngg aq! 

Mxzay lie karm u ka goar teng lwsia`bQo?

A'Efng, u laq.  Chviar lie horngsym.  

Goar lorng thQex lie anpaai hQfsex laq.

Oo?  Goar aix bQeq toax oar opvy ee pangkefng.  

Mxzay lie karm u ciaux goar ee iesux khix teng`bQo?

Thaukeniuu, lie karm zaiviar citmar ee hangzeeng?  

Lie karm zaiviar oar opvy ee thQrpaang, cidaxm tiQqaix

joaxzQe-cvii`bQo? Hef si cidaxm tiQqaix svapaq-khof ee Bykym neq, 

mxsi syn-TaiphiQx.  Lie si zaiviar afsi teq tviechvy?

Chviar lie sngrkhvoarmai, lie phahsngx bQeq khix

goxjit, afnny, ciu cviazhefng-khof khix aq!

A'Kii, mxsi goar mxzaiviar citmar ee hangzeeng. "Bush" zofngthorng 

ma u korng`kQex, y kiQx larn-taixkef tiQqaix iong siauhuix laai 

chiokcixn kokkaf ee kengzex.  Goar sviu afnny ma si u toxlie. 

Sofie ciaq sviuxbQeq kekiarm eng cidsut'ar, hibang tuix larn ee

kengzex u pangzo.  Afnny, Bykog ee kengzex ciaq bQextQr`khix.

A'Efng, zef si lie korng`ee.  Afnny, goar ma bQeq

laai`khix bQea cidtaai goxzabji-zhuxn ee tiexnsi.

A'Kii, baxnchviar`cide.  Lie kuxnii ciaq bQea cidtaai

siezablak-zhuxn ee tiexnsi.  BQlun-juhQo, goar lorng

putzurn lie ka cvii afnny opeh-khay.

A'Efng, hef si bQeq khngx`teq tQexhaxseg ho langkheq golok iong`ee.  

Mxsi bQeq khngx`teq goar ee zupaang ho goar-kaki iong`ee. Mxbiern-korng aq.

TiQh laq, hitkefng lwsia ee kauthofng u hongpien`bQo? Lie khvoax, 

goar karm tiQqaix kiQx a'Gii laai ciab goar?

A'Efng, hitkefng lwsia si goxliap-chvy`ee. Mxna kauthofng hongpien, 

hongkerng suie, jichviar ma u lie siong-aeciah ee Haypar'oong zhanthviaf.

Nngxciaq cidpoxngpvoax ee lionghee ciaq bQe jixzap-khof naxnia.

A'Kii, goar tiQqaix laikhix kheeng henglie aq. Lie sviuxbQeq bQea 

cidtaai toaxtaai tiexnsi ee hit'hang taixcix, larn lexngjit 

ciaq kQq korng. HQr`bQo?