Hofkof-pQo

Lie karm zaiviar Taioaan u ciog-zQe hQfthviaf ee binkafn korsu? 

Kitiofng u cidee cyn-uxmiaa ee gyn'ar korsu kiQrzQx Hofkof-pQo. 

Y cyn-chinchviu Bykog ee "Red Riding Hood".

Kofzar-kofzar, u cidee mamaf kab nngxee zabor-kviar toax ti svoaterng.

Toaxhaxn ee zabor-kviar kiQrzQx A'Khiim. SiQfmoe kiQrzQx A'Giok. 

Cit'ee sarnchiaq ee kateeng kQeatiQh cyn-khoaelok kab pengzeng ee seng-oah.

U cidjit, yn ee mamaf khix tochi pan taixcix. KQeajit ciaq 

Qe tngr`laai. Mamaf cyn-hoanlQr y ee zabor-kviar kaki ti zhux`nih.

Y kautaix yn nngxlaang mxthafng suipien ka laang khuimngg.

Svakvy-pvoarmii, A'Khiim kab A'Giok thviatiQh uxlaang teq lorngmngg! 

"KHOK! KHOK! KHOK!"

A'Khiim sefng tuy binzhngg thiaux`khylaai. Hit'ee laang toaxsviaf hoaq, 

"Khuimngg! Khuimngg! Goar si lirn ee mamaf!" Nngxee cymoexar zQrhQea korng, 

"Lie mxsi mamaf. Mamaf bQo-khQfleeng cit`zun tngr`laai."

Taxnsi, hit'ee laang ittit lorngmngg. 

"Goar si lirn ee mamaf. Goar sviuxkorng lirn mxkvar kaki toax zhux`nih, 

sofie goar ciaq kirn tngr`laai."

A'Khiim kab A'Giok sviu cit'ee laang u khQfleeng si yn ee mamaf, 

ciu khuimngg khvoarbai. Aq! Hit'ee laang mxsi yn ee mamaf. 

Yn kvoafkirn kvoaimngg. Taxnsi, ykefng sviw-ban laq. Hit'ee 

lauxapQo yekfng kviaa jibmngg laq.

Y ee thaumof peh-soatsoad, phQehw jiaau-porpox.

Nngxee cymoexar kviaf-kaq phiqphiq'zhoaq korng , "Lie si symmih laang?"

Hit'ee lauxapQo korng, "Mxbiern kviaf, goar si lirn ee kopQo.

Goar ciog-kuo bQo kvix`tiQh lirn nngxee. Kin'afjit bQeq laai khvoax lirn."

A'Khiim kab A'Giok thviaf liawau zhoarn cide toaxkhuix. 

Taxnsi A'Khiim afkQq u cidtiarfm'ar hoaigii. 

Ui-symmih mamaf lorng mxbad thekhie cit'ee kopQo? 

Mxkuo, sQeahaxn ee A'Giok cyn-hvoahie. Y ciu kab kopQo khix khuxn`laq. 

A'Khiim kaki khuxn lexnggoa cidkefng ee pangkefng. KQex cidzun liawau,

A'Khiim thviatiQh "KHAO, KHAO, KHAO", cyn-kukoaix ee svia'ym.

Y mng kopQo, "Lie teq ciah symmih? Ho goar ciah cidzhuix, hQr`bQo?"

KopQo ciu taxn cidky gyn'ar ee zefngthau'ar ho A'Khiim. 

Y zhoaq cidtiQo, suii zaiviar cit'ee lauxapQo mxsi cincviax ee kopQo. 

Si hit'ee langlaang lorng zay cyn-khQfphvax ee Hofkof-pQo.

Y ykefng ka siQfmoe A'Giok ciah`khix laq.

A'Khiim kvoafkirn tirnzeng`lQqlaai. Y liawkae citmar

y ciu aix sviu-paxnhoad kiux kaki. Y sviuxzhud cid'ee hQr-paxnghoad.

A'Khiim kefbQ ix ka hofkof-pQo korng, "Goar citmar khix piexnsor!"

Hofkof-pQo ixn y korng, "BQexsae`tid! Lie sviuxbQeq thauzao. 

Si`bQo?" A'Khiim kirn korng, "Goar bQo-bQeq thauzao! Lie na

bQo-sionsixn goar, lie Qexthafng iong chiuo giuo

cittiaau tngtngg ee sQh'ar, sQh'ar-thaau pak teq goar

ee khaterng. Afnny goar ciu bQextaxng thauzao."

Hofkof-pQo tong'ix afnny zQx. A'Khiim ciu khix piexnsor.

Taxnsi, ciog-kuo lorng bQo tngr`laai. Hofkof-pQo khaisie hoaigii, 

ciu zao`khix khvoax A'Khiim teq zQx symmih. A'Khiim lawzar tiQh tuy

thang'afmngg pee`zhutkhix, kQq kvoafkirn pehkhix chiuxar-terng biq`leq.

Hofkof-pQo cyn-siuxkhix. Y khaisie ka chiuxar. A'Khiim ciog-kyntviw. 

Y kirn ka Hofkof-pQo korng, "Lie mxbiern ka chiuxar! Goar Qexsae

ho lie ciah. Taxnsi, goar citmar paktor cyn-iaw! Lie na ciah goar,

goar ciu Qe piernzQx cidee iaw-sykuie. Suisii lorng tvii toax lie ee 

sengkhw ho lie cyn-kankhor. Lie karm Qexthafng theh cidtoaxkoaxn siQsiQf 

ee thotauxiuu ho goar cvix ciawar laai ciah?"

Hofkof-pQo cyn-pun. Y cincviax ciaux A'Khiim ee iesux khix zQx.

Cidtiafm'ar-kuo yau, A'Khiim korng, "Goar ciaqpar`aq! Lie kirn ka zhuix 

khuikhuy ho goar thiaux`jibkhix lie ee zhuielai."

Hofkof-pQo cide ka zhuix khuikhuy`khylaai, A'Khiim ciu kvoafkirn ka 

hit'tharng siQf-kwnkurn ee thotauxiuu tQr`jibkhix Hofkof-pQo ee zhuielai.

Hofkof-pQo ciu afnny ho A'Khiim eng iuu ka y thngx`sie laq.

Korsu oaan`laq. Lie sviu zef si-mxsi cidee cyn-zhuobi ee korsu?